"هتقدر تستحمل ملك الموت" أفشة يوجه رسالة غامضة في نعي إيهاب جلال

نعّي العديد من لاعبي مصر سواء الحالبيين أو السابقين فقيد الكرة المصرية مدرب نادي الإسماعيلي إيهاب جلال, إثر وفاته اليوم نتيجة وعكة صحية كانت قد تعرض لها خلال الأيام القليلة الماضية.

ووجه محمد مجدي "أفشة" لاعب خط وسط النادي الأهلي نعي خاص لمدرب منتخب مصر السابق عبر ستوري لحسابة الشخصي علي انستجرام قائلا: "الله يرحم كابتن ايهاب جلال مهما حكيت مش هوصف ابدا اد ايه كان اخلاق  ومتربي وجميل ، وشاطر وناجح ومحبوب".

 وأضاف "قلبي حزين عليه يا جماعة مش مهم اللوائح ولا مهم العقود ولا مهم المستحقات ولا مهم السمعة ولا مهم السيرة مهم لو كنت ضحكت أو اتشطرت أو استقويت ووجعت له قلبه كل ده راح لأن صاحبه مات".

واسترسل “بس السؤال، عارف صاحبه هيشتكي عند انهي قاضي؟ هتقدر تستحمل حكم ملك الموت؟”.

 وأتم "حسبي الله ونعم الوكيل" .

ونشر أحمد حمدي لاعب نادي الزمالك الحالي عبر حسابة الشخصي علي انستجرام ناعيا الفقيد:" يمكن في مجال الكورة أنا مشوفتش حد زي كابتن إيهاب جلال، محدش ممكن يتخيل كان انسان نضيف وسوي ومحترم ازاي، حزين أوي بجد".

وأضاف" أتذكر جمعتني بيه مكالمة لمدة ساعة، وأتذكر كل كلمة وكل حرف منها".

واختتم "ربنا يرحمك، ويسكنك فسيح جناته يا محترم يا نضيف".

مسيرة ايهاب جلال التدريبية

بدأ ايهاب جلال مسيرتة التدريبية في الدرجات الأدني للدوري المصري عبر نادي كهرباء الإسماعيلية، الحمام، كفر الشيخ، تليفونات بني سويف، مصر المقاصة، إنبي، المصري البورسعيدي، الزمالك، الإسماعيلي، أهلي طرابلس ومنتخب مصر.