شوبير للجمهور بعد الخسارة أمام باتشوكا: "النادي الأهلي هيفضل زي ما هو"

وجه الإعلامي أحمد شوبير، رسالة قوية لجمهور الأهلي بعد خسارة المارد الأحمر أمام باتشوكا المكسيكي في نصف نهائي كأس الأندية للقارات.

شوبير للجمهور بعد الخسارة أمام باتشوكا: "النادي الأهلي هيفضل زي ما هو"

وقال شوبير عبر برنامج حارس الأهلي "هنا أنا أوجه الرسالة لجمهور النادي الأهلي، خلي بالك، أولا ما تنساش مع الناس دي أي حد يعني ما أقصدش حد بعينه يعني".

وأضاف “نمرة اتنين، التف حوالين ناديك، ناديك هنا اللي هو إدارتك، ناديك هنا اللي هو فريقك، ناديك هنا اللي هو مدربك، يمشي المدرب، تمشي الإدارة، يمشي اللعيب، حيفضل النادي الأهلي زي ما هو”.

 وتابع "لازم تلتف حول ناديك، ما هو لو دامت لغيرك ما وصلت إليك، كان مدير كورة اتغير، وكام إداري اتغير، وكام مدرب اتغير، وكام لعيب مشي". 

وواصل “لا كنا نتوقع إنهم يكونوا في النادي الأهلي، لكن هم موجودين في النادي الأهلي، بقوا نجوم منورة، واللي مشيوا من النادي الأهلي، بالسلامة يا حبيبي، وربنا يوفقك، وتستمر عندنا العجلة في الدوران".

 وأردف “وتستمر مسيرة البطولات والانتصارات والنجاحات، هو كده يا أخي شوف شوف اللعيبة حزينة قد إيه، وحزن اللعيب لحزن الجماهير، وحزن الجماهير من حزن اللعيبة".

وأتم “كنا لسه امبارح حاطين التويتة بتاعة الله يرحمه أستاذ نبيل الحلفاوي. النادي الأهلي بقى بينافس جمهور الأهلي، مين يحب الثاني أكتر؟ اه والله”.